بس انا حابة احكيلكم معلومة لازم كلنا نعرفها
انو العلماء المسلمين اكتشفو الجاذبية الارضية والدليل :
أبن سينا في كتابه الاشارات والتنبيهات يقول :
"إنك لتعلم ان الجسـم إذا خلي وطباعه ولم يعترض له من الخارج تأثير غريب لم يكن له بد من موضع معين وشكل معين فإذا طباعه مبدأ استجاب ذلك "
وتفسير هاد الحكي :
ان الجسم ازا ترك بحالته الطبيعية وما تأثر بأي تأثير خارجي مابيتغير شكلو ولا موضعو , وما بيتغير اللا ازا اثرت عليه قوة خارجية .
قارنو هاد الحكي بقانون نيوتن الاول ..,
قانون نيوتن الاول :
"يظل الجسم في حالته الساكنة إما السكون التام أو التحريك في خط مستقيم بسرعة ثابتة ما لم تؤثر عليه قوة تغير من هذا الحالة "
نفس الحكي صح , حتى ابن سينا قانونو اشمل لأنو شمل الاشكال ايضا ,
ابن سينا اكتشف هاد الاشي ئبل نيوتن ب 900 سنة تقريبا ,
اللا ان ابن سينا حكى عن الجاذبية بإطار فلسفي اما نيوتن فصاغها في قوانين ,
لكن أظن انو لازم ننسب اكتشاف الجاذبية لأبن سينا .
عالم آخر حكى عن الجاذبية الارضية ئبل نيوتن ,
العالم المسلم ابو البركات البغدادي في كتابه المعتبر بالحكمة يقول :
" ان الحلقة المتجاذبة بين المصارعين لكل واحد من المتجاذبين في جذبها قوة مقاومة لقوة الاخر وليس اذا غلب احدهما وجذبها نحوه تكون قد خلت من قوة جذب الاخر بل إن القوة موجودة مقهورة ولولاها ما احتاج الاخر الى كل ذلك الجذب "
وتفسير هاد الحكي :
ان المصارعين في بينهم تبادل للقوى وكل مصارع بيعطي قوة مقاومة للقوة اللي بتقابلو , ولو انتصر واحد على الاخر لا يعني انو مافي قوة مقاومة , بس المصارع الاول قام ببذل قوة اكبر من قوة المصارع التاني فتغلب عليها ,
هاد الحكي بيشبه قانون نيوتن الثالث اللي بيحكي :
"لكل فعل رد فعل، مساوي له في المقدار ومعاكس له في الاتجاه"
اللا ان العالم ابو البركات صاغ القانون ضمن اطار فلسفي ,
كمان امثلة بدل انو المسلمين اكتشفو الجاذبية قبل ما توئع التفاحة على نيوتن بمئات السنين
الخاون في كتابه ميزان الحكمة :
"إن الاجسام الساقطة تنجذب نحو مركز الارض وان اختلاف قوة جذب الارض يرجع للمسافة بين الجسم الساقط والمركز "
الادريسي في كتابه نزهة المشتاق :
"الارض جاذبة لما في اجسامها من ثقل بمنزلة حجر المغناطيس اللذي يجذب الحديد "
البيروني في كتابه الاثار الباقية عن القرون الخالية :
إن الناس على الارض منتصبو الهامات على استقامة اقطار الكرة وعليها ايظا تزول الاثقال للاسفل "
فأظن انه من غير العدل انا ننسب اكتشاف الجاذبية لنيوتن , بينما علماء المسلمين اكتشفوها ئبلو ,
واحنا لازم نعتز بهاد الاشي ,
معلومات حبيت اشاركم فيها
__________________